අල්ලාහ් තම දේව පණිවිඩය තුල මෙසේ සදහන් කර ඇත. 

وَمَا خَلَقْتُ ٱلْجِنَّ وَٱلْإِنسَ إِلَّا لِيَعْبُدُونِ  / මම ජින්වරුන් සහ මිනිසුන්ව මට නමස්කාර කිරීමට මිස මැව්වේ නැත. (50-56)

දෙවියන් මෙම සමූහ දෙක දෙවියන්ට හැර වෙන කිසිවකට නැමදිය යුතු නැත. එයයි දෙවියන් ඔවුන්ට දුන් උසස් භාවය.

ඉබිලීස් යනු අල්ලාහ් ගින්නෙන් නිර්මාණය කර ඇති ජින් සමූහයේ (ෂේතාන්වරුන්ගේ) ප්‍රධානියාය. ඔහු ඇතුළු සියළුම ජින්වරුන්ට මිනිසුන්ට මෙන් ස්වයං තීරන ගැනීමේ නිදහස ලබා දී ඇත. පළමු මිනිසා වන ආදම් (අ.ස) නිර්මාණය කිරීමට පෙර අල්ලාහ් විසින් ජින්වරුන්ව නිර්මාණය කර තිබේ. 

පහතින් සඳහන් වනුයේ ස්වර්ගයෙහිදී ආදම් (අ.ස) ව නිර්මාණය කරන අවස්ථාවේ සිදුවූ සිදුවීමක් සම්බන්ධව අල් කුරාන් හි සඳහන් වැකි කිහිපයක පරිවර්තනයකි.

7:11 නියත වශයෙන්ම අපි ඔබව උත්පාදනය කිරීමට (අදහස් කර) ඔබව (ඔබගේ මුල්ම පියා වන ආදම් ව) නිර්මාණය කළෙමු. පසුව අපි මලායිකාවරුන්ට "ආදම් ට සුජූදි කරනු" යැයි කීවෙමු. ඉබිලීස් හැර (අනිත් මලායිකාවරුන් සියල්ල ඔහුට) හිස නවා සුජූද් කළහ. ඔහු සුජූද් කරන්නන්ගෙන් කෙනෙකු වූයේ නැත.

7:12 (එබැවින් දෙවියන් ඉබිලීස්ට) "මා ඔබට නියෝග කල අවස්ථාවේදී ඔබ හිස නවා සුජූත් නොකර සිටීමට ඔබව වළක්වා හැරියේ කුමක්දැයි?" විමසුවේය. එයට (ඉබිලීස්) "මා ඔහුට වඩා ශ්‍රේෂ්ඨයෙකි. (මන්දයත්), ඔබ මාව ගින්නෙන් උත්පාදනය කර ඇත්තෙහිය. (කිරිමැටි වලට වඩා ගින්දර උසස්ය" යයි (ආඩම්බරයෙන් යුතුව) පැවසුවේය.

7:13 (එයට දෙවියන්) "ඔබ මෙයින් බැස යනු. ඔබ ආඩම්බර වීමට මෙහි ඉඩක් නැත. එබැවින් ඔබ පිටමං වනු. (ඔබගේ උඩඟුකම හේතුවෙන්) නියත වශයෙන්ම ඔබ අවමන් වූවන්ගෙන් කෙනෙකු බවට පත්වූයෙහිය" යයි පැවසුවේය. 

7:14. (එයට ඉබිලීස් වන) ඔහු "(මරණයට පත් වූවන්ව) නැගිටුවන දින දක්වා ඔබ මා හට කාල අවකාශයක් ලබා දෙන්න" යයි ඉල්ලා සිටියේය.

7:15. (එයට) දෙවියන් "නියත වශයෙන්ම ඔබ (ඒ අන්දමට) කාල අවකාශයක් ලබා දුන් කෙනෙකු බවට සිටින්නෙහිය" යයි කීවේය. 

7:16. (එයට ඉබිලීස්) ඔබ මා අවමන් කල බැවින් (ආදම්ගේ පරම්පරාවේ දරුවන් වන) ඔවුන් ඔබගේ සෘජු මාර්ගයෙහි නොයා (වළක්වා හැරීමට මාර්ගය අවහිර කර එහි) වාඩි වී සිටින්නෙමි",

7:17. "නියත වශයෙන්ම ඔවුන්ට ඉදිරියෙන් හා පසුපසින්ද, දකුණු පසින් හා වම් පසින්ද ඔවුන් වෙත පැමිණ (ඔවුන්ට මාර්ගය වැරද) යවමින් සිටින්නෙමි. එබැවින් ඔවුන්ගෙන් වැඩි දෙනෙකුව (ඔබට) කෘතඥ වන්නන් බවට ඔබ නොදකින්නෙහිය" යයිද කීවේය.

7:18. (එයට දෙවියන්) නින්දාවට ලක් වූවෙකු වශයෙන්ද, එලවා දමනු ලැබූවෙකු වශයෙන්ද ඔබ මෙතැනින් පිටමං වනු> නියත වශයෙන්ම (ඔබවද) ඔවුන්ගෙන් ඔබව අනුගමනය කරන්නන්වද ආදී ඔබ සියල්ලන් මගින් නිරය පුරවන්නෙමි" යයි පැවසුවේය.

ඉබිලීස්ට සේවය කරන තවත් ජින්වරු බොහෝමයක් ඇත. ඔවුන්ට ෂේතාන්වරුන්/ යක්ශයන් ලෙසද හඳුන්වයි. ඉබිලීස් අවසන් මිනිසාගේ මරණය දක්වාත් නොමැරේ. නමුත් අනිකුත් ජින්වරුන්ට යම්කිසි ආයුෂ කාලයක් ඇත. ජින්වරුන්ගෙන් වූ ෂේතාන්වරුන්  සෑම මනුශ්යයෙකුගේම ජීවිත කාලය පුරා ඔවුන් සමග ඔවුන්ව නොමග යැවීමට වැරදි දේ කිරීමට පොලඹවමින් සිටී. ඔවුන් කරන කටයුතු ඉබිලීස් වෙත දැනුවත් කිරීමට සහ ඔහු වෙත රපෝර්තු කිරීමටද බැදී සිටී. ජින් වරුන්ගෙන් සමහරු ශේතාන්වරු නොවේ. එනම් ඔවුන් ශේතාන්වරුන් මෙන් මිනිසුන්ට අල්ලාහ්ගේ මාර්ගයෙන් ඉවත් කිරීමට කටයුතු නොකරයි. ඔවුන්ගෙන් සමහරු මුස්ලිම් ජින් වරු ලෙසත් ත්ව කොටසක් මුස්ලිම් නොවන (කාෆිර්) ජින් වරු ලෙසටත් සිටී. ශේතාන්වරු කිසිවෙක් මුස්ලිම් ලෙස නොසිටී.

ජින්වරුන් සාමාන්‍යයයෙන් මිනිස් ඇසට හසුනොවන තත්ව යටතේ සිටින තවත් ජීවී ආකාරයකි. ඉස්ලාමයේ මූලික ග්‍රන්ථ ලෙස සලකන අල් කුරාන් සහ පිලිගත් හදීස් වලින් ඉබිලීස් සහ අනිකුත් ජින්වරුන්ගේ ක්‍රියාකලාපය සම්බන්ධයෙන් තොරතුරු රාශියක් අප වෙත ලැබී ඇත. එම තොරතුරු වලින් ඔවුන්ගේ හැසිරීම අතීත වර්ථමාන අනාගත යන තුන් කාලයටම ගලපා අධ්‍යයනය කර වටහා ගැනීමට යම් තරමකින් අපට හැකියාව ලැබී ඇත. 

පහතින් සඳහන් තොරතුරු කිහිපයෙන් ඉබිලීස් ගැනත්, ඔහුගේ උපක්‍රම හරහා මනුෂ්‍ය සමූහය දෙවියන්ව නැමදීම් කරමින් ඔහට කීකරුව සිටීමෙන් වලක්වාලීමට කටයුතු කරන ආකාරය ගැන යම් අවභෝදයක් ලබා ගත හැක.

ඔබ සුපිරි වෙළදසැලකින් මිලදී ගන්නා මෙම සියලුම භාණ්ඩ ඔවුන්ගේ පාලනය යටතේ පවතින ඉතාම සුළු මව්සමාගම් කිහිපයක භාණ්ඩය.

මේ ඔවුන් ලොවට බලපෑම් කිරීමට භාවිතා කරන ක්‍ෂේත්‍රයන් කිහිපයකි. මිනිසුන්ට නොදැනෙන ලෙස මෙම ක්‍ෂේත්‍ර ඔවුන් විසින් හසුරුවයි.

ඔවුන් විසින් විවිධ ආකාරවලට මිනිසුන්ව කාර්යබහුල කරවලා තියෙන නිසා ඔවුන්ට තිරය පිටුපස වෙන දේ ගැන හොයන්න වෙලාවක් නෑ.