ප්‍රධාන ආගම් පිළිබඳව සංසන්දනාත්මක අධ්‍යයනයක්

ආගම-දහම මානව සංහතියේ පැවැත්මේ අනිවාර්ය අංගයකි. එය සෑම මනුෂ්‍යයයෙකු තුලම පවතින සහජ ගුණාංගයකි. එම ගුණාංගය සෑම මනුෂ්‍යයෙක් තුලින්ම එකම අරමුණකට යොමුව සිදුකල යුතු යැයි අදහසක් ඉදිරිපත් කල හැකි නමුත් සමාජය තුල එය එලෙස දකින්නට නොමැත.

මනුෂ්‍යයන් විසින් තනි තනිව හෝ කණ්ඩායම් වශයෙන් බෙදී "මනුෂ්‍යයාගේ ආගම" විවිධ ආකාරවලට ඇදහීම සහ භාවිතා කිරීම දකින්නට ඇත.

මුස්ලිම්වරු තමන්ගේ විශ්වාසයන්ට විශ්වාසවන්තව සිටින අතරම අන් අයගේ විශ්වාසයන්ට ගරු කරති. බහු සංස්කෘතික සැකසුම් තුළ, විවිධ ආගමිකයින් සමග ආගමික නොවන කටයුතුවලදී එක්ව කටයුතු කරයි. ආගමික කටයුතු වලදීද ඉස්ලාමීය සීමාව තුල සිටිමින් ඔවුන් සමගද ඒවාට සහභාගී වෙයි.

ලෝකයේ ප්‍රධාන ආගම් දෙවියන්ගේ ඒකීයභාවය පෙන්වා දෙයි. සමහර ආගම් අනාගතවක්තෘවරුන් හරහා ව්‍යාප්ත වූ අතර අනෙක් ඒවා එසේ නොවීය.

සමහර මිනිසුන් කිසිම ආගමක් අනුගමනය නොකළත්, ඔවුන් ඔවුන්ට යමෙකු විසින් උගන්වන ඉගැන්වීම් සහ සදාචාරයන් අනුගමනය කරයි.

ආගම මිනිස් ජීවිත කෙරෙහි විශාල බලපෑමක් ඇති කරයි. සියලුම මිනිසුන් පැවැත්ම සඳහා උසස් සුවිශේෂී කෙනෙකු (One God) හෝ සුවිශේෂී බලයක් (A Supreme power) කෙරෙහි විශ්වාස කළ යුතුය. එවන් විශ්වාසයක් නැති අයට මෙහි ආරම්භයක් අවසානයක් ගැන වටහාගත නොහැක. එසේ වුවත්, හදිසි හෝ කරදරකාරී තත්ව වලදී දෙවියන් අදහන, දෙවියන්ට කන්නලව් කරන, ස්වභාවයන් ඔවුන් තුලින්ද ඉස්මතුවනු දැකිය හැක.

ලෝකයේ ඇති ප්‍රධාන ආගම් ගෙන බැලුවත් ඒවායේ බහුතරයක් අනුගාමිකයින් ඒවායේ සැබෑ ස්වරූපයෙන් අනුගමනය නොකරයි. ඔවුන් තම ආගම ගැන හරිහැටි නොදැන සිටිති. මේ අනුව ආගම් විශ්ලේෂණය කිරීමට ඒවා අනුගමනය කරන්නන් දෙස නොව, අප ඒවායේ ශුද්ධ ලියවිලි දෙස බැලිය යුතුය.

අපි එක් එක් ආගම් ගැන ගැඹුරින් සොයා බැලුවහොත්, ඒවායේ බොහෝ සමානකම් ඇති බව අපට පෙනී යන අතර, ඒකදේවවාදය පිළිබඳ සංකල්පය බොහෝ ආගම් තුලින් ඉස්මතු වෙයි. ඒ ගැන සංසන්දනාත්මක තොරතුරු කිහිපයක් මෙහි ඉදිරිපත් කර ඇත.

සෑම ආගමක් තුලම ශාස්තෘවරුන් ලෙස හඳුන්වන අයද සිටිනු දැකිය හැක. ඔවුන් විවිධ නම් වලින් හඳුන්වයි. ලොවට පැමිණි අවසාන වක්තෘවරයෙකු ගැනද බොහෝ ආගම් වල සදහන්ව තිබේ. ගෞතම බුදුන් වහන්සේද තමාට පෙර බුදුවරු පහළ වූ බවත් තමාට පසුවත් බුදුවරු පහළ වන බව දේශනා කර ඇත. ඒ ගැනද සංසන්දනාත්මක තොරතුරු කිහිපයක් මෙහි ඉදිරිපත් කර ඇත.