මුස්ලිම්වරුන්ට විශේෂ වූ ස්ථාන

මෙය සංවර්ධනය කරමින් පවතී

මුස්ලිම්වරුන් සර්වබලධාරී අල්ලාහ් දෙවියන්ට පමණක්ම නැමදීම් කරයි. එය සිදුකරන්නේද නබි ﷺ තුමන් පෙන්වාදුන් ආකාරයට පමණි.

මුස්ලිම්වරුන්ගේ මගපෙන්නන් වන්නේ නබිවරුන්ය. ඔවුන් මිනිසුන් අතරින් උසස්තම අය ලෙස සලකණු ලබයි. ඔවුන් කෙරෙහි මුස්ලිම්වරුන් තුල සුවිශේෂී ගෞරවයක් ඇත. නමුත් ඔවුන්ට නමදින්නේ නැත, ඔවුන්ගේ පිළිම නිර්මාණය කර ඒවාට පූජා පවත්වන්නේ නැත, ඔවුන් හරහා දෙවියන්ගෙන් ප්‍රාර්ථනා කරන්නේද නැත. ඔවුන් සිටි ස්ථාන, භාවිත කල දේවල් හෝ ඔවුන්ගේ සොහොන් වලට පවා නමදින්නේ නැත. 

කෙසේ වෙතත්, ඉස්ලාමීය ඇදහිල්ල හා ඉතිහාසය සම්බන්ධව, ඒවාට ආවේණික වූ ලක්ෂණ ඇති ස්ථාන කිහිපයක් තිබේ. මෙම ලිපි පෙළ හරහා ඒවා පිළිබඳ තොරතුරු කිහිපයක් ඉදිරිපත් කරයි.

මුස්ලිම්වරුන්ට පූජනීය ස්ථාන (Sacred places) ලෙස පෙන්වා දී ඇත්තේ පහතින් දක්වා ඇති මස්ජිද් තුන පමණි. හැකි අයට තම ජීවිත කාලය තුල එම ස්ථාන 3 වෙත යන ලෙස උපදෙස් දී ඇත. 

1. මක්කාවේ පිහිටා ඇති මස්ජිදුල් හරාම් (කාබතුල්ලාහ්ව). 

2. මදීනාවේ ඇති නබි තුමාගේ මස්ජිදය හෙවත් මස්ජිදුල් නබවි. 

3. ජෙරුසෙලමෙහි පිහිටා එති මස්ජිදුල් අක්සා.

මෙම ස්ථාන තුන හැර වෙනත් කිසිම ස්ථානයකට වන්දනාවේ හෝ නැරඹීම සඳහා හෝ යන ලෙස මුස්ලිම්වරුන්ව උනන්දු කර නැත. නමුත් අධ්‍යයනය කටයුතු හෝ පුද්ගලික කැමැත්ත මත ඒවා නැරඹීමට යාම තහනම් කර ද නැත. ඒවා අතර යම් යම් කාරණා පදනම් කරගෙන විශේෂත්වයන් පෙන්වන ස්ථාන කිහිපයක් පහතින් දැක්වේ. ඒවා පිළිබදව ඔබට දැනුවත් වීම සදහා වැදගත් තොරතුරු මෙහි ඉදිරිපත් කර ඇත.