මස්ජිද් (නැමදුම් ස්ථාන)

ජුම්මා මස්ජිද් 

ජුම්මා මස්ජිද් ලෙස හඳුන්වන්නේ විශාල පිරිසකට සහභාගී විය හැකි, මිම්බරයක් (හෙවත් සිකුරාදා දින ඉමාම් වරයෙක් විසින් දෙනු ලබන දේශනය දීමට ඔහුට සිටගත හැකි උස් වේදිකාවක්) සහිත මස්ජිදයන්ය. 

එම මස්ජිද් වලද අනිකුත් කුඩා මස්ජිද්වල මෙන් දෛනික පස්වේල සලාතයන් ද සිදු කරනු ලබයි. ඊට අමතරව සිකුරාදා දින විශාල ප්‍රදේශයක සිටින ජනතාවක් එය වෙත පැමිණ කුද්බා (නමින් හඳුන්වන විශේෂ) දේශනයක් සහිත නැමදීමකට සහභාගී වේ.

විශාල හෝ කුඩා ඕනෑම පල්ලියක ඇත්තේ ඉතාම සීමිත දේවල් කිහිපයක් පමණි. ඒවා අතර ඇතැම් පල්ලිවල, කුරාන් පොත් කිහිපයක්, සලාතයන්හි වෙලාව දක්වන පුවරුක්, බිම වාඩිවීමට අපහසු අයට වාඩි වීමට පුටු කිහිපයක්. යාච්ඤාවෙන් පසු උසුරීමට ගැනෙන වැකි සඳහන්ව ඇති පුවරුවක්, යාච්ඤාවට කැඳවීම සඳහා සහ යාච්ඤාව අතරතුර ඉමාම්ගේ හඬ වැඩි කිරීම සඳහා ශබ්ද විකාශන යන්ත්‍ර, වැසිකිළි පහසුකම්, දෝවනය හෙවත් වුළු කිරීමට අවශ්‍ය  ජලය සහ ජුම්මා පල්ලියක නම් දේශනය සඳහා වේදිකාවක්. එපමණයි. පිළිම හෝ රූප කිසිවක් නැත. 

සෑම මස්ජිදයක්ම මක්කාව දිසාවට මුහුණලා සිටින සේ නිර්මාණය කරයි. මස්ජිද් සෑදීමේදී වියදම් කිරීමට ඇති හැකියාව මත සමහර මස්ජිද් අලංකාරවත්ව නිර්මාණය කරයි. සමහර මස්ජිද් ඉතාමත් දුප්පත් මට්ටමින්ද ඇත. නමුත් අල්ලාහ් බලන්නේ මිනිසුන්ගේ හදවත් දෙසය. එනිසා කුමණ මට්ටමක මස්ජිදයක උනත් තම සලාතය අල්ලාහ් කෙරෙහි ඉතාමත්ම බිය බැතිව සිදු කරන්නේ නම් එයයි ඉහළම නමස්කාරය. 

කාන්තාවන්ට විවිධ හේතු නිසා තම සලාතයන් නිවස තුලදීම ඉටු කිරීම වඩාත් යහපත් බව දහම තුලින් පෙන්වා දෙයි. එසේ වුවත්, ඔවුන්ට පල්ලි තුල සලාතය ඉටු කිරීමට තහනමක් නැත. සමහර පල්ලි වල කාන්තාවන් සදහා වෙනම කොටසක් වෙන්කර ඇත. නබි තුමාගේ කාලයේ පිරිමින්ට ඉදිරි පෙළවල සලාතය කිරීමටත් කාන්තාවන් සඳහා තම සිටගැනීම පල්ලියේ පිටුපසම සිට ආරම්භ කිරීමටත් අවස්ථාව ලබා දී ඇත. කෙසේ වෙතත්, කිසිම පල්ලියක පිරිමින් සහ කාන්තාවන් එකට ළඟින් සිටගෙන සලාතය ඉටු නොකරති.

අදාන් සහ නැමදුම

මුස්ලිම්වරුන්ට විශේෂ වූ ස්ථාන

මක්කාව සහ ඒ අවට ඇති විශේෂ ස්ථාන

මදීනා සහ ඒ අවට ඇති විශේෂ ස්ථාන

මස්ජිද් අල් අක්සා

පෙර විසූ නබිවරු කිහිපදෙනෙකු ජීවත් වූ ස්ථාන කිහිපයක්

ඉස්ලාමීය අධ්‍යාපනික හා සාමාජයීය මධ්‍යස්ථාන