දෙවියන්ගේ නිර්මාණ: ඉබිලීස්, ජින්වරු, ෂෙයිතාන්වරු

හැඳින්වීම

ඉබිලීස් :- ජින්වරුන්ගේ [ෂේතාන්වරුන්ගේ] ප්‍රධානියා

ජින්වරුන් :- අල්ලාහ්ගේ තවත් නිර්මාණයකි. මිනිසුන් නිර්මාණය කිරීමට පෙරම අල්ලාහ් ඔවුන්ව නිර්මාණය කර තිබේ. ඔවුන්ව දුම රහිත පැහැදිලි අධික උෂ්ණත්වයෙන් යුත් ගින්දරෙන් නිර්මාණය කර ඇත. ජින්වරුන්ටද අල්ලාහ් අපට මෙන් ජීවන ප්රීක්ෂනයක් ඉදිරිපත් කර ඇත. ඔවුන්ට දී ඇති සිහිකල්පනාව භාවිතා කර ගෙන ඍජු මාර්ගයේ ගියොත් ඔවුන්ටම හොඳය. ඔවුන්ට අපව පෙනෙයි. එහෙත් අපගේ පියවි ඇසට ඔවුන්ව නොපෙනේ. (සමහර සතුන්ට ඔවුන්ව පෙනෙයි). ඔවුන් තම ප්‍රජාව බෝ කිරීම සිදු කරයි. ඔවුන් ආහාර ගැනීම සිදු කරයි. (උදාහරනයකට මස් කටු ආදිය). නමුත් ඔවුන් එය අනුභව කල බවක් අපගේ පියවි ඇසට නොපෙනේ. මිනිසුන්ට මෙන්ම සමහර ජින්වරුන්ටද අහසේ යම් සීමාවක් දක්වා තරණය කල හැක. මුහුදු පතුලේ කිමිදිය හැක. සමහර අන්හ්ස වලින් ඔවුන් මිනිසුන්ට වඩා දක්ශය. සමස්තයක් ලෙස ගතහොත් ඔවුන් මිනිසුන්ට වඩා දුර්වල ජීවී සමූහයකි. නමුත් මිනිසුන් ඔවුන්ට බිය බව ඇඟවූව හොත් හෝ ඔවුන්ගෙන් පිහිට ඉල්ලමින් සිටියොත් පමණක් ඔවුන්ට පුලුවනි මිනිසුන්ට හානි කිරීමට. ඔවුන්ගෙන් බහුතරයක් ඇත්තෙන්ම මිනිසාගේ සතුරෙකු ලෙස සිටිමින් මිනිසාව ඍජු මාර්ගයෙන් පිටමං කරවීමට සෑම විටම උත්සාහ ගනිමින් සිටී. ඒ වෙනුවෙන් ඔවුන් කරනුයේ අප ළඟම ගැවසෙමින් අපට නරක කිරීමට මිමිණීමය. එනම් අපට රහසින් පවසයි. 

ජින්වරුන්ගෙන සමහරක් මුස්ලිමුන් ලෙස ඍජු මාර්ගයේ සිටිති. අල්ලාහ්ව විශ්වාස කරන (මුස්ලිමුන් ලෙස සිටින) ජින්වරුන් ගැන තොරතුරු රාශියක් අල් කුර්ආන් හී [සූරත් අල් ජින් / 72 පරිච්ඡේදයේ] සඳහන් වේ). 

නමුත් ජින්වරු බහුතරයක් අල්ලාට විරුද්ධව යමින් දුර්මාර්ගයේ සිටිති. එනිසා ජින් සංහතියේ බහුතරයකගේ අවසාන ඉරණම නිරය බව දෙවිඳුන් කලින්ම පවසා තිබේ. 

දුර්මාර්ගයේ සිටින ජින්වරුන් අපගේ ඉරණම කෙරෙහි ප්‍රභල බලපෑමක් කරන අය වේ. එම නිසා ඔවුන් පිළිබදව අප දැනගෙන සිටීම අනිවාර්‍යය වේ. 

ජින්වරුන්ට අල්ලාහ් මිනිසුන්ට නොමැති සුවිශේෂී හැකියාවන්ද දී තිබේ. ඈත අතීතයේ ජින්වරු විශාල බරපතල වැඩ කර ඇත. සුලෙයිමාන් නබිගේ කාලයෙන් පසු මිනිසුන්ට ජින්වරුන්ගෙන් වැඩ ගැනීම තහනම් කර ඇත. නමුත් සමහර මිනිසුන් අදටත් ඔවුන්ගෙන් එක් එක් වැඩ ගනිමින් සිටිනු අපට දකින්නට ඇත.

ෂේතාන්වරු :- මොවුන් විශ්වාසවන්ත යහපත් ජින්වරුන්ව සහ විශ්වාසවන්ත යහපත් මිනිසුන්ව දෙවියන්ගේ ඍජු මාර්ගයෙන් ඉවත් කිරීමට කටයුතු කරන්නන්ය. 

ෂේතාන්වරු සියල්ලගේම ඉරණම අවසන් වන්නේ නිරයෙනි. 

ඔවුන් ජින්වරු අතරත් සිටී, මිනිසුන් අතරත් සිටී. (එනම්, ඉබිලීස්ගේ කැමැත්ත ඉටු කරන අය ජින්වරුන්ගේ සැබෑ ස්වභායෙන් ඉන්නත් පුලුවනි, එසේත් නැත්නම් එම කැමත්ත මිනිසා තුලින් ක්‍රියාත්මක වීමට සැලැස්වීමද කළ හැකි බවය). මේ අනුව විශ්වාසවන්තයෙකු ලෙස සිටීමට නම අපට ආකාර දෙකක අවධානම් වලින් ආරක්ෂා වීමට සිදුවෙනවා. 

1. ෂේතාන්වරුන්, ඔවුන් විසින්ම අපව නොමගට යැවීමට ගන්න උත්සහයන්ගෙන්.  
2. ෂේතාන්වරුන් විසින් දැනටමත් නොමග යවා ඇති මිනිසුන්ව අප වෙත එවා, ඔවුන් හරහා අපවත් නොමගට යැවීමට අටවා ඇති උගුල්වලින්.

ජින්වරුන්ගෙන් සමහරුන්ට එක් එක් ස්වරූප ගැනීමට හැකියාව ඇත. ඔවුන්ට සතෙකු මෙන් පෙනී සිටිය හැක. මිනිසෙකු ලෙසද පෙනී සිටිය හැක.

නියත වශයෙන්ම ෂෙයිතාන් ඔබට සතුරෙකු වශයෙන් සිටින්නේය. එබැවින් ඔහුව ඔබත් සතුරෙකු බවටම ඇර ගනු. ඔහු (තමන්ට අවනත වූ) තම සමූහය ආරාධනා කරන්නේ ඔවුන් නිරාවාසීන් බවට පත් කිරීමටය. (35:6)

(සැඟවෙන අපරාධකාරයින්ගේ විපත් වලින් ආරක්ක්ෂා කර ගන්නා මෙන් ඉල්ලා සිටිමි, (යයි ප්‍රාර්ථනා කරයි). ඔවුන් මිනිසුන්ගේ හෘදයන්හී (පුහු) සැකය උපදවයි. (එවැනි අපරාධකාරයින්) ජින්වරුන්ගෙන්ද, මිනිසුන්ගෙන්ද සිටින්නාහ. (114:4,5,6)

(වියළී ගියහොත් ටං ටං යන) ශබ්දය ගෙන දෙන ඇලෙන සුළු කිරිමැටියෙන් නියත වශයෙන්ම අපිම (ඔබගේ මුල් පියා වන පළමු) මිනිසාව උත්පාදනය කළෙමු. (15:26)  

(එයට/ මිනිසාට) පෙර ජින්වරුන්ව දරුණු උෂ්නත්වයෙන් යුත් ගින්දරෙන් උත්පාදනය කළෙමු. (25:27)

(මට අවනත වී මාව) නැමදීමට මිස ජින්වරුන්වද, මිනිසුන්වද මා උත්පාදනය කළේ නැත. (51:56)

නියත වශයෙන්ම මිනිසුන්ගෙන්ද, ජින්වරුන්ගෙන්ද, බොහෝමයක් දෙනාව නිරය සඳහාම අප උත්පාදනය කර ඇත්තෙමු. (ඔවුන් කෙබන්ඳයත් නම්), ඔවුන්ට හෘදයන් ඇත. එහෙත් එමඟින් හොඳ ඔවදන්) ඔවුන් වටහා නොගන්නාහ. ඔවුන්ට ඇස්ද ඇත. එහෙත් එමඟින් (මෙලොවෙහි ඇති සාධකයන්) ඔවුන් නොබලන්නාහ. ඔවුන්ට කන් ඇත. එහෙත් එමගින් ඔවුන් (හොඳ ඔවදන්වලට) සවන් නොදෙන්නාහ. මොවුන් සතුන් මෙන් සිටින්නාහ. තවද ඒවාටත් වඩා මාර්ගය වැරද ගියවුන් වශයෙන්ම සිටින්නාහ. මෙවැන්නන්ම (අපගේ ආයාවන්) නොසළකා හැරිය වුන් වන්නාහ. (7:179)

මලායිකාවරුන්ට "ආදම්ට සුජූද් කරනු" යයි අපි පැවසීම ගැන සිතා බලනු. ඉබිලීස් හැර, ඔවුන් සියල්ලන්ම සුජූද් කළහ. ඔහු නම්, ජින් වරුන්ගේ වර්ගයට අයත් කෙනෙකි. ඔහු තම දෙවියන්ගේ අණට වෙනස්කම් කර හැරියේය. එබැවින් (මිනිසුනේ!) ඔබ මා හැර, ඔහුවද, ඔහුගේ පරම්පරාවේ දරුවන්වද, හිමි වශයෙන් ගන්නෙහුද? ඔවුන් නම් ඔබට දරුණු සතුරන් වශයෙන්ම සිටින්නාහ. අපරාධකරුවන් (මාව හැර දමා, ඔවුන්ව තමන්ට ආරක්ෂකයින් වශයෙන්) වෙනස් කර ගැනීම ඉතාම නපුරුය. (18:50)