මුස්ලිම් නොවන අයට පණිවිඩයක්
මෙම ලිපිය ලියන මම කලකට පෙර ඔබ වැනිම මුස්ලිම් නොවන කෙනෙකු ලෙසම සිටි නිසා ඉස්ලාම් ගැන ඔබ සිත තුල මුල්බැස ගෙන ඇති ආකල්පය හොඳින් අත් විඳපු කෙනෙකි. එය සරළවම කියනවා නම් (එවකට මට සහ) වර්ථමානයේ ඔබට, ඉස්ලාම් දහම ගැන දැන ගැනීමටවත් අවශ්‍යයතාවයක් නැති, එසේම එය ප්‍රතික්ෂේප කරන මට්ටමේ එකකි. අද ඔබට මෙන්ම සත්‍යය ඉස්ලාමය ගැන කිසිවක් නොදැන සිටි මටද එවකට තිබුනේ එවැනිම සිතුවිල්ලකි.
මාව (සහ අප සැමව) නිර්මාණය කල දෙවි කෙනෙක් සිටින බව මා දැන සිටියේ නැත. එම දෙවියන් වහන්සේ විසින් නබිවරයෙකු හරහා මා වෙත (සහ අප සැම වෙත) මෙම ජීවිතයේ අරමුණ සහ අප නොදැන සිටි බොහෝ කාරණා සහිතව මාර්ගෝපදේශයක් එවා ඇති බවත් දැන සිටියේ නැත.
අද ඔබ මෙන්ම එවකට මාද ඉස්ලාමය දුටුවේ මූලික ධර්ම ග්‍රංථ තුලින් නොව, සමහර මාධ්‍ය හරහා ලැබුණු පුවත් වලිනි. එසේත් නැතිනම් ඉස්ලාම් සමාජය නියෝජනය කරන මිනිසුන් ගේ එක් එක් වැඩ කටයුතු වලිනි, ඔවුන්ගේ ඇදුම් වලිනි, ඔවුන්ගේ හැසිරීම් වලිනි. එම වරද මා අතින් සිදු උනා වගේම අද ඔබ අතින් සිදු වෙමිනුත් පවතී.
අප දහමක් හඳුනා ගත යුත්තේ එහි ඇති නිරවද්‍යය මූලික ධර්ම මූලාශ්‍ර වලිනි. ඉස්ලාමයේ ධර්ම මූලාශ්‍ර මැනවින් අධ්‍යයන කල මම (sjw. admin) අද එම දැණුම උපයෝගී කරගෙන නවක මුස්ලිම් වරුන්ට සහ ඉස්ලාම් නොවන ඔබලාටද ඉතාම ප්‍රයෝජනවත් වන පරිදි සරළව ඉස්ලාමය ගැන (සත්‍යය තොරතුරු පමණක් උපයෝගී කරගනිමින්) ප්‍රමාණවත් තරම් තොරතුරු එකතු කර මෙම වෙබ් අඩවිය නිර්මාණය කලෙමි.
ඔබේ මට්ටමින් ඔබට අවශ්‍ය කරන සහ ඔබට ඇතිවන සෑම ප්‍රශ්නයකටම පිළිතුරුද සහිතව මෙම වෙබ් අඩවිය සමන්විත බවට මට සහතික විය හැක.
දැන්, ඉස්ලාම් දහම ගැන ඔබට අවශ්‍ය තරමටම තොරතුරු ඔබට තේරෙන භාශාවෙන්ම ලැබී ඇත. ඔබට තව දුරටත් යමක් දැන ගැනීමට අවශ්‍ය නම් ඒ සඳහාද ඔබට විවිධ අයුරින් සහාය විය හැක.
ඉස්ලාමයේ පණිවිඩය ලැබුණු අය එය අන් අයටත් ලබා දීම සෑම මුස්ලිම්වරයෙකුගේම මූලික වගකීමකි.
පහත සඳහන් දෙවියන් වහන්සේගේ (එනම්, ඔබගේත් මගේත් නිර්මාතෘගේ) උපදේශනය දෙස බලන්න.
(නබියේ!) ඔබ (මිනිසුන්ට) ප්‍රඥාවෙන්ද, අලංකාරවත් හොඳ ඔවදන් මගින්ද ඔබගේ දෙවියන්ගේ මාර්ගය දෙසට ආරාධනා කරනු මැනව! තවද ඔවුන් සමග (තර්ක කිරීමට සිදුවුව හොත්) ඔබ (ගෞරවණීය හා) අලංකාරවත් අන්දමින් තර්ක කරනු මැනව! ඔහුගේ මාර්ගයෙන් වැරද ගිය අය කවුරුන්ද යන්න නියත වශයෙන්ම ඔබගේ දෙවියන් හොඳින් දන්නේය. ඍජු මාර්ගයෙහි සිටින්නන් කවුරුන් යන්නද ඔහුම හොඳින් දන්නේය. (16:125)
දෙවියන් වහන්සේ අප සමාජයට එවා ඇති අවසන් දේව දූතයානන් වන මොහම්මද් නබි (ﷺ) තුමාණෝ මෙසේ පැවසූහ:
"එය තනි වාක්‍යයක් වුවද (මගේ ඉගැන්වීම්) මිනිසුන්ට ප්‍රකාශ කරන්න"
(Sahih al-Bukhari 3461 In-book reference : Book 60, Hadith 128)
ඔබේ අවධානයට....
- මිනිසා අයිති මිනිසාගේ නිර්මාතෘටය.
- මිනිසා මෙලොවට පැමිණියේද ඔහු වෙතින්මය.
- මිනිසාට අවශ්‍යය පහසුකම් සපයන්නේද මිනිසාගේ නිර්මාතෘ මය.
- මිනිසා ගැන හොඳින්ම දන්නේත් මිනිසාගේ නිර්මාතෘම මිස වෙන කිසිවෙකුත් නොවේය.
- මිනිසාට ගැලපෙනම දහම (හෙවත් මාර්ගෝපදේශය) විය යුත්තේද මිනිසාගේ නිර්මාතෘ විසින්ම මිනිසාට ලබා දුන් දහමමය.
- මිනිසා මරණින් පසු ආපසු යන්නේද ඔහු වෙතමය.
- තමන් මෙලොවදී කළ හොඳ නරක වලට නිසි ප්‍රතිඵල ලබා දෙන්නේද මිනිසාගේ නිර්මාතෘමය.
මෙතෙක් එය ගැන නොදැන සිට හෝ නොදැනුවත්කමට එය ප්‍රතික්ෂේප කරමින් සිටි ඔබට තව දුරටත් එය ප්‍රතික්ෂේප කළ හැකි දැයි දැන් ඔබ ඔබගේම හෘද සාක්ෂියෙන් විමසා බලන්න.
මේ වන තෙක් ඔබ ඔබේම නිර්මාතෘ හඳුනාගෙන නැත. මෙය ඔබේ මව ප්‍රතික්ෂේප කිරීමට වඩා බරපතල පාපයක් බව ඔබට දැන් සිතාගත හැකි යැයි මම විශ්වාස කරමි. ඔබ ආනන්තරීය පාපකර්මය ගැන අසා ඇත. එසේනම් එය මෙය හා සසඳා බලන්න.
මෙම කාරණාව තහවුරු කරගැනීමට අවශ්‍යය සියළුම තොරතුරු මෙම වෙබ් අඩවියෙහි අංතර්ගත බව මම නැවත සඳහන් කරමි.
ඔබ සියළු දෙනාටම මරණයට පෙර සත්‍යය අවභෝධ වී ඒ මත ක්‍රියාත්මක වීමට අවස්ථාව ලැබේවායි මම ප්‍රාර්ථනා කරමි.
sjw - වෙබ් අඩවියෙහි හිමිකරු.